Цените на гасот во Европа скокнаа за речиси една четвртина, откако руски Газпром соопшти дека нема да испорачува гас за Европа преку гасоводот Северен тек 1 до натамошно известување поради проблеми со турбина.

По отворањето на холандскиот пазар, цената на гасот во термински договори со рокови за испорака во октомври се зголеми за 30 отсто, на 272 евра за мегават час (MWh).

Цената потоа се стабилизираше на 256 евра за мегават час, што е зголемување за 23 отсто. Споредено со истиот период лани, цената е речиси пет пати поголема.

Руски „Газпром“ во петокот соопшти дека нема да праќа гас во Европа преку „Северен тек 1“ до понатамошно известување, бидејќи беше откриено дека од главната гасна турбина на компресорската станица Портоваја во близина на Санкт Петербург истекува масло.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.