Вкупно 297.500 луѓе повеќе починаа во Европската унија од март до октомври минатата година отколку во истиот период од 2016 до 2019 година, покажуваат податоците на Евростат објавени денеска.

Статистиката на Евростат покажува дека зголемената стапка на смртност низ ЕУ достигнала врв во раните фази на пандемијата на Ковид-19 во април 2020 година, која изнесувала 24,9 проценти.

Потоа следи летно затишје, по што бројот на жртвите повторно се зголеми во текот на есента и во ноември.

Најголем пораст на смртноста има во Полска, со 97,2 проценти, потоа во Бугарија и Словенија, со 94,5 проценти и 91,4 проценти.

Данска, Финска и Естонија забележаа најмало зголемување на смртноста од 5,5 проценти, 5,6 проценти и 6,4 проценти.

Со 0,7 проценти помалку смртни случаи, Норвешка, која не е членка на ЕУ, е единствената земја опфатена со анализата на Евростат, која не забележа зголемена смртност во ноември 2020 година.

Иако значителното зголемување на смртноста се совпаѓа со пандемијата на Ковид-19, податоците на Евростат не ја класифицираат смртноста според причините за смртта, полот и возраста.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.