Со 32 отсто од европскиот просек, Албанија останува последна во Европа по приход по глава на жител за 2021 година, покажуваат најновите податоци објавени од Еуростат (податоците не го вклучуваат Косово), пренесува агенцијата Балкан веб.

Босна и Херцеговина има приход по глава на жител од 33 отсто од просекот на ЕУ, додека Македонија има 10 процентни поени повисоко од Албанија (42), Србија 44, а рекордот во регионот го држи Црна Гора со 47 отсто.

-И според друг показател, оној за индивидуалната потрошувачка по глава на жител, кој ја мери куповната моќ на граѓаните на една земја и нивната материјална благосостојба, Албанија е повторно последна, со 39 отсто од европскиот просек. Во Босна и Херцеговина овој показател е 41 отсто, во Македонија 49 отсто, Србија 52 отсто и Црна Гора 60 отсто, наведува истиот извор.

Констатира, дека Албанија со години „ не може да расте побрзо како соседите или другите земји од ЕУ, забележувајќи застој во таканаречениот процес на конвергенција или побрз раст за да го фати, во одреден период, просекот на Европската унија“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.