Европскиот суд на правдата донесе пресуда во која се вели дека Италија го прекршила европскиот закон за квалитет на воздухот зашто систематски и упорно ги надминувала граничните вредности поставени за ситните, ПМ честички.

Судот констатирал дека во период од 2008 до 2017 година дневните и годишните гранични вредности одредени за честичките PM 10 редовно биле надминувани во одредени делови од Италија. Државата не усвоила мерки навреме за да гарантира почитување на граничните вредности.

Италија не е единствената европска земја која е осудена поради загадување на воздухот. Франција беше осудена во 2019 година, а Полска во 2018 година.

Според податоците на Европската агенција за животна средина загадувањето на воздухот е причина за околу 480.000 предвремени смртни случаи во Европа.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.