Европскиот парламент со мнозинство гласови го усвои седумгодишниот буџет, односно Повеќегодишната финансиска рамка за периодот од 2021 до 2027 година во износ од 1,074 милијарди евра.

Заедно со инструментот од 750 милијарди евра за закрепнување на економијата од последиците од пандемијата на Ковид-19, вкупниот пакет достигнува 1,824 милијарди евра.

Европскиот парламент нема улога во усвојувањето на инструментот за наплата, бидејќи станува збор за вонредна мерка, за која беше договорено од земјите-членки, и затоа не е потребно гласање во Парламентот.

Усвојувањето на Повеќегодишната финансиска рамка сега го отвора патот за донесување на буџетот на ЕУ за следната година, што ќе се случи на тековната пленарна седница на Парламентот.

Регулативата за Финансиската рамка е донесена со едногласна одлука на Советот на ЕУ, додека Европскиот парламент дава согласност, што значи дека може да ја прифати или одбие одлуката на Советот, но не може да ја измени.

За одлуката гласаа 548 пратеници, 81 беа против, а 66 беа воздржани.

– Со денешното гласање, Европскиот парламент го усвои европскиот буџет за следните седум години, рече претседателот на Европскиот парламент Дејвид Сасоли, нарекувајќи го „историски буџет за историски момент“.

Сасоли инструментот за заздравување од 750 милијарди долари го нарекува „европски Маршалов план“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.