Европската комисија испрати писмо до италијанскиот министер за финансии Роберт Гуалтиери, во кое се вели дека нацрт-буџетот за следната година би можел да ги прекрши фискалните правила на ЕУ, и побара италијанската Влада до среда да испрати појаснување.

Во денешното писм, потпишано од новоназначениот потпретседател на ЕК, Валдис Домобровскис и европскиот комесар за економија и финансии Пјер Московиси, се вели дека прелиминарната проценка на буџетот за 2020 година покажува дека италијанската влада нема фискални мерки за намалување на трошоците.

„Планот на Италија не е во согласност со намалувањето на долговите во 2020 година“, се вели во писмото, во кое се предупредува дека санкциите може да се појават доколку официјален Рим не понуди дополнителни објаснувања или не се измени смени буџетот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.