Европската унија денеска соопшти дека британските и европските преговарачи се согласиле да продолжат со разговорите насочени кон надминување на кризата околу Брегзит.

Европската комисија соопшти дека техничките разговори се фокусирале на „првиот сет концепти, принципи и идеи изнесени од Велика Британија“.

ЕУ побара од Велика Британија да излезе со предлози за тоа како стоката може да продолжи да ја минува лесно границата со Ирска без скапи и долги проверки кога Северна Ирска ќе го напушти блокот со остатокот од Велика Британија.

ЕК оцени дека е „клучно да постои целосно изводливо и законски оперативно решение“ вклучено во правно обврзувачкиот договор за излез на Велика Британија од ЕУ.

Европската комисија останува подготвена и отворена да ги преиспита сите предлози кои се во согласност бекстоп – избегнување на тврда граница меѓу Ирска и Северна Ирска, што е предлог кој Велика Британија сака да го отстрани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.