Турскиот претседател Реџеп Таип Ердоган изјави денеска дека претседателските и парламентарните избори во земјата ќе се одржат на 14 мај, како што и било предвидено, што е малку повеќе од три месеци по разорниот земјотрес во кој загинаа повеќе од 45.000 луѓе во Турција.

Оваа нација ќе направи што е потребно на 14 мај – рече Ердоган во говорот пред претставниците на неговата Партија на правдата и развојот.

Тоа е датумот за кој претходно зборуваше Ердоган и не го помести поради земјотресот.

Осудувајќи ги тие кои ја критикуваа неговата Влада за лошото владеење по земјотресот на 6 февруари, Ердоган рече: „Ќе им дадеме соодветен одговор на 14 мај“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.