Епидемијата на Ковид-19 во Индија се стабилизира во некои делови на земјата, соопштија денеска локалните власти, но бројот починати денеска се зголеми за 4.194, а заразата продолжува да се шири во руралните области каде што јавните здравствени служби се ретки и веќе преоптоварени.

Индија на почетокот на мај пријавуваше повеќе од 400.000 заразени на ден, но бројките постепено се намалуваа. Денеска се евидентирани 257.299 нови случаи.

Бројот на активни случаи во последните две недели падна во најбогатата држава Махараштра, потоа во Карнатака, Бенгалуру, како и во крајбрежната држава Керала, изјави службеник воо Министерството за здравство Лав Агарвал.

Дневниот број на заразени во Западен Бенгал, Андра Прадеш и Тамил Наду се зголемува, додаде тој.

Со преполни болници, здравствени системи и недостиг на вакцини, експертите предупредуваат дека Индија може да се соочи со трет бран на зараза во наредните месеци.

– Иако ширењето на коронавирусот се стабилизираше во многу делови на земјата и во целина товарот е намален, треба да поминеме долг пат со овој бран, соопшти владиниот совет за справување со пандемијата.

Вкупниот број на случаи во Индија е 26,3 милиони, со што земјата е втора во светот по САД, додека вкупниот број на смртни случаи изнесува 295.525.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.