Европската комисија е подготвена да воведе нов механизам кој го условува плаќањето на европските пари со почитување на владеењето на правото, изјави нејзината потпретседателка Вера Јоурова.

Механизмот, кој беше воспоставен од јануари, е „доволно зрел за употреба“, рече чешката комесарка задолжена за „вредности и транспарентност“, без да открие за кои земји ќе се применува.

Механизмот може да се спроведе пред крајот на октомври.

Унгарија и Полска се на мета на Брисел поради реформите за кои се верува дека ја поткопуваат независноста на судовите.

Будимпешта и Варшава, кои ја оспоруваат законитоста на механизмот, поднесоа жалба до Судот на правдата на ЕУ. Расправата е закажана за 11. и 12 октомври, а одлуката се очекува за неколку месеци.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.