Европската комисија соопшти денеска дека Унијата е подготвена за брегзит без договор и дека од таква варијанта најмногу би загубила Велика Британија.

Комисијата во овој момент не смета дека е неопходно да се преземаат дополнителни мерки за подоготвка на такво сценарио – изјави портпаролката на ЕК, Наташа Берто.

Брегзит без договор очигледно ќе направи големи потешкотии како за граѓаните така и за компаниите бидејќи ќе има значително негативни последици на економски план. Тие многу посилно ќе се почувствуваат во Велика Британија отколку во 27-те членки на Европската унија – изјави Берто.

Таа додаде дека претседателот на ЕК, Жан Клод Јункер смета дека ако се спроведе брегзит без договор, Британците ќе загубат најмногу.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.