Еден од четворицата обвинети за убиството на словачкиот новинар Јан Куцијак и неговата вереница го призна убиството пред судот.

Обвинетиот Мирослав Марчек призна дека учествувал во убиството, додека другите двајца обвинети, меѓу кои и бизнисменот Маријан Коснер, кој е обвинет дека е нарачател на убиството, негирале дека се виновни.

На денешното судење, четвртиот обвинет не се изјаснил.

Според словачкиот државен обвинител, Маријан К. наредил убиство на Куцијак поради неговите написи во кои пишувал за неговите сомнителни активности, за што наредил еден од обвинетите да го киднапира и убие новинарот.

Маријан дал информации за движењето на Куцијак и негови фотографии, по што бил контактиран трет обвинет за да го организира убиството, а на него му биле ветени 70.000 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.