Југот на Италија се подготвува за уште два дена разорни дождови и поплави, додека реткиот медитерански ураган наречен „Медикен“ го разорува овој регион.

Во невремето досега загинаа две лица, а сицилијанскиот функционер Нело Мусумечи потврди дека има неколку исчезнати во поплавите.

53-годишен маж загина кога неговото возило се заглави во надојдените порои во Катанија, на источниот брег на Сицилија, јавија тамошните гласила.

Полицијата верува дека тој излегол од возилото и се обидел да побегне од надојдената вода, но не успеал, а неговото безживотно тело подоцна било пронајдено.

Во слична трагедија, 67-годишен маж почина во Катанија, откако неговиот автомобил беше заглавен во вода и кал, а по неговата сопруга се уште се трага.

Градоначалникот на Катанија, Салво Поглиезе ги повика жителите да останат дома.

Црвени предупредувања се издадени на островот Сицилија и во регионот каде што се наоѓа градот Катанија, кој веќе е зафатен од лошо време во текот на целата недела.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.