На денешните протести на Жолтите елеци, кои беа 20 по ред, на улиците на француските градови излегоа значително помалку демонстранти од претходните недели.

Помали судири се регистрирани во Бордо, каде полицијата употреби солзавец против демонстрантите.
Протести имаше во Париз, во Сент Етијен, во Тулуз, во Марсеј, во Руен, во Рену, во Кану, во Ница, во Стразбур и во уште неколку помали градови.

Полицијата вкупно приведе 27 демонстранти.

Во Париз поради немирите од претходните протести во сила е забрана за собири во близина на Триумфалната капија, на Елисејските полиња и околу Националното собрание. Во главниот град на Франција протестираа околу 2.000 луѓе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.