Поранешниот американски претседател Доналд Трамп ја објави својата веб-страница, со цел да остане во контакт со неговите поддржувачи.

Дел од таа страница е посветена и на презентацијата на неговиот престој во Белата куќа.

На почетната страница се прикажани повеќе фотографии од Трамп со многу познати личности, како и со неговата сопруга Меланија.

Кабинетот на Доналд Трамп е посветен на зачувување на славниот период од неговата администрација, истовремено промовирајќи ја програмата „Прво Америка“, стои на почетната страница, објави „Ројтерс“.

Веб-страницата исто така ги прикажува достигнувањата на Трамп, вклучително и енергетскиот сектор и безбедноста на границите, зајакнувањето на НАТО и другите меѓународни сојузи и неговиот одговор во борбата против пандемијата на коронавирусот.

„Ројтерс“ додава дека не се споменуваат скандали, истраги за корупција, два обиди за отповикување и напади врз демократски институции што го одбележаа неговиот претседателски мандат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.