Доларот го губи статусот на резервна валута со побрзо темпо од општо прифатеното, бидејќи многу аналитичари не ги земаа предвид минатогодишните диви промени на девизниот курс, изјави за Блумберг финансискиот аналитичар Стивен Јен.

Уделот на доларот во глобалните резерви падна 10 пати побрзо од просекот во последните две децении минатата година, бидејќи многу земји бараа алтернативи откако руската инвазија на Украина предизвика санкции, изјавија во анализа Јен и неговата колешка од Еуризон Капитал, Џоана.

Тие прецизираа дека доларот, приспособувајќи се на движењата на девизниот курс, изгубил околу 11 отсто од својот пазарен удел од 2016 година, што е двојно повеќе од 2008 година.

Доларот претрпе неверојатен колапс во 2022 година во неговиот пазарен удел како резервна валута, веројатно поради „мускулната употреба на санкции“. Извонредните дејствија што ги преземаа САД и нивните сојузници против Русија ги запрепастија големите земји кои чуваат резерви, од кои повеќето се економии во развој, велат Јен и Фреир.

Помалите земји експериментираат со „дедоларизација“, додека Кина и Индија се обидуваат да ги интернационализираат своите валути во меѓусебната трговија, откако САД и Европа ги исклучија руските банки од глобалниот финансиски систем, познат како SVIFT.

Американската валута сега сочинува околу 58 отсто од вкупните глобални официјални резерви, што е значително помалку од 73 отсто во 2001 година, кога беше неспорна резерва.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.