Директорот на руската државна нафтена компанија Трансњефт Николај Токарев изјави дека компанијата добила барања од Полска и Германија за купување нафта за 2023 година.

Тие рекоа дека од 1 јануари нема да купуваат нафта од Русија, а сега добивме барања од полски компании за набавка на три милиони метрички тони следната година. И Германија исто така испрати барање за првиот квартал од следната година, изјави Токарев за телевизијата Русија 24.

Податоците што ги изнесе директорот на Трансњефт се во спротивност со индициите дека Полска планирала да се откаже од договорот за купување руска сурова нафта, коментираат светските агенции.

ЕУ претходно одлучи да престане да купува руска нафта преку поморски патишта од 5 декември, при што западните земји исто така воведоа ограничувања на цената на руската сурова нафта, но нафтоводот Дружба преку кој Полска увезуваше руска нафта беше изземен од санкциите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.