Чешкиот претседател Милош Земан е пренесен со брза помош во болница во Прага, во услови на зголемени шпекулации за неговата здравствена состојба.

Портпаролот на Прашката универзитетска болница го потврди приемот на претседателот на 10 октомври и рече дека лекарите ќе ја коментираат состојбата на Земан во текот на денот.

Претходно истиот ден, Земан се состана со премиерот Андреј Бабиш во неговата резиденција надвор од главниот град за да разговараат за резултатите од парламентарните избори претходниот ден.

Земан гласаше од неговата резиденција поради лошата здравствена состојба. Чешките медиуми шпекулираат дека тој има сериозни заболувања на црниот дроб, но канцеларијата на Земан веќе неколку недели не коментира за неговата здравствена состојба.

Според резултатите од изборите, популистичката и центристичка партија АНО на мултимилијардерот Бабиш доби 27,1 проценти од гласовите и се очекува да добие 72 места во 200-члената пратеничка комора во Прага.

Либерално-конзервативната трипартиска опозициска алијанса заедно изгледа дека освоила најмалку 108 места.

Конзервативниот изборен сојуз СПОЛУ доби 27,8 проценти од гласовите, додека сојузот на Пиратската партија и Партијата на градоначалникот освои 15,6 проценти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.