Американскиот државен секретар Ентони Блинкен ја обвини Русија дека нејзините војници ја користат најголемата нуклеарна централа во Европа како „нуклеарен штит“ во нападите врз украинските сили, пренесе денеска Ројтерс.

Руските сили ја освоија украинската нуклеарна централа Запорожје во март.

Вашингтон изрази „длабока загриженост“ бидејќи Русите ја користат нуклеарната централа како воена база и отвораат оган врз украинските сили, изјави Блинкен за новинарите во седиштето на Обединетите нации во Њујорк.

Се разбира, Украинците не можат да возвратат, бидејќи би имало страшен инцидент со нуклеарната централа, изјави Блинкен.

Тој рече дека експертите од Меѓународната агенција за атомска енергија треба да добијат пристап до нуклеарните централи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.