Претседателот на САД, Џо Бајден е позитивен на Ковид-19, потврди денеска Белата куќа.
Како што соопшти Белата куќа, 79-годишниот Бајден двапати е вакциниран и примил уште две дополнителни дози. Тој има многу благи симптоми и се лекува со антивирусен лек Паксловид.
Бајден ќе продолжи да работи во изолација се до негативен тест на Ковид-19. Неговата сопруга Џил Бајден е негативна.
Во текот на денот медицинската служба ќе ги извести сите контакти на Бајден, вклучително и претставниците кои вчера патуваа со претседателот.
Бајден вчера ја шокираше јавноста додека држеше говор за загадувањето и глобалното затоплување кога објави дека има рак, поради што реагираше и Белата куќа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.