Американскиот претседател Џо Бајден потпиша меморандум со кој борбата против корупцијата во светот се прогласува како една од клучните задачи во областа на националната безбедност.

Потегот на Бајден го објави висок службеник на американската администрација за време на специјалниот телефонски брифинг околу таа иницијатива.

Со овој меморандум, американскиот претседател официјално ја воспостави борбата против корупцијата како клучна задача на националната безбедност на САД. Претседателот ја декларира својата посветеност на оваа борба за време на предизборната кампања – истакна официјалното лице.

Според него, од Владата се бара да разгледа и да му поднесе извештај на претседателот во рок од 200 дена за тоа како администрацијата и нејзините партнери можат да ги зајакнат и координираат чекорите за зајакнување на борбата против корупцијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.