Американскиот претседател Џо Бајден, претседателката на Претставничкиот дом на САД Ненси Пелоси и бројни членови на Демократската партија побараа гувернерот на државата Њујорк Ендрју Куомо да поднесе оставка.

Наодите на државното обвинителство кои се однесуваат на обвинувања за сексуално малтретирање од страна на Куомо, од кои повеќето беа првично објавени минатата зима, доведоа до бројни барања од истакнати демократи за негова оставка.

Американските сенатори Чак Шамер и Кирстен Гилибранд, по објавувањето на извештајот, изјавија дека наодите од истрагата ги зајакнуваат нивните повици за оставка на Куомо, упатени првпат во март оваа година.

Ниту еден избран функционер не е над законот. Жителите на Њујорк заслужуваат подобро во кабинетот на гувернерот. Се уште веруваме дека гувернерот треба да поднесе оставка – велат Шамер и Гилибранд во заедничко соопштение.

Гувернерот на Њујорк, Ендрју Куомо ги отфрли обвинувањата на државното обвинителство дека сексуално малтретирал 11 жени, вклучително и вработени во неговиот кабинет, како и дека се обидел да им се одмазди на жените што го пријавиле.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.