Австрискиот Парламент синоќа го продолжи карантинот за уште десет дена.

Мерката за заклучување може да се усвои само на 10 дена, па затоа беше потребна нова собраниска одлука за продолжување на епидемиолошката мерка, бидејќи беше планирана за вкупно 20 дена.

Според планот на австриската Влада, карантинот за вакцинираните и излекуваните ќе заврши на 12 декември, а ќе продолжи за невакцинираните.

Пратениците од Австриската народна партија (ОВП), Зелените и Социјалдемократската партија (СПО) гласаа за продолжување на „локдаунот“.

Одлуката на австрискиот Парламент вклучува и една новина, а тоа е дека продавниците кои имаат право да работат за време на карантин, тоа можат да го сторат најдоцна до 19 часот, наместо до 21 часот како што беше досега.

Министерството за здравство го искористи усвојувањето на измените на мерките за коронавирусот, за скратување на важноста на сертификатот за вакцинација од 360 на 270 дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.