Албанец чии родители се со потекло од Македонија е еден од напаѓачите во вчерашниот терористички напад во Виена, Австрија, во кој најмалку три цивили загинаа, а 17 се повредени и хоспитализирани. Како што пренесува уредникот на австрискиот неделник „Фалтер“, Флориан Кленк, станува збор за 20-годишниот Куртин С., роден и пораснат во Виена.

Неговите родители немаат никаква врска со исламизмот, пишува познатиот истражувачки новинар на „Твитер“.

Додава дека напаѓачот, кого полицијата подоцна го ликвидираше, бил познат на Службите за безбедност против тероризмот.

Тој беше на радарот на полицијата, затоа што беше еден од околу 90-те австриски исламисти кои сакаа да патуваат во Сирија. Тој беше спречен да го стори тоа во јули. Полицијата не верува дека тој го планирал терористичкиот напад во Виена, пренесува новинарот.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.