Италијанска актерка Сандра Мило (87) се заклучила со катанци за оградата пред седиштето на италијанската влада во Рим, во знак на протест поради тоа што не била предвидена државна помош за самостојни уметници од светот на спектаклот.

Известен за протестот, актерката ја примил премиерот Џузепе Конте, а според нејзините зборови, и ветил дека ќе разгледа што може да се направи за уметниците, кои се меѓу многубројните работници погодени од последиците на коронавирусот.

Актерката по разговорот со премиерот, како што пренесуваат италијанските медиуми, била многу задоволна.

Премиерот Конте е голем човек и хумана личност која сочувствува со другите. Сигурна сум дека ќе го одржи ветувањето”, рекла Мило, која и натаму е активна на сцената.

Актерката претходно од истите причини започнала штрајк со глад, но на апел на премиерот Конте истиот го прекинала.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.