Петмина адвокати од тимот на поранешниот американски претседател Доналд Трамп се повлекоа на нешто повеќе од една недела пред почетокот на неговиот случај во Сенатот.

Извори, цитирани од Си-Ен-Ен, велат дека Буч Бауерс и Дебора Барбие, од кои се очекуваше да бидат водечки адвокати, веќе ги нема во тимот. Изворот запознат со измените вели дека било заедничка одлука и двајцата да го напуштат правниот тим. Како главен адвокат, Боуерс го собра тимот.

Џош Хауард, адвокат од Северна Каролина, кој неодамна беше додаден во тимот, исто така се повлекол, вели друг извор запознат со промените. Џони Гасер и Грег Харис, од Јужна Каролина, исто така повеќе не се вклучени за случајот.

Според изворите, Трамп сака адвокатите да тврдат дека изборите му биле „украдени“, наместо да се фокусира на законитоста на пресудата на претседателот откако тој замина.

На крајот на јануари, претставниците на Долниот дом на американскиот Конгрес ја доставија до Сенатот резолуцијата за импичмент на поранешниот претседател Доналд Трамп. За првпат во историјата на САД, Трамп е претседател кој двапати бил предмет на постапка за отстранување од власта.

Самиот процес на импичмент ќе почне по 8 февруари. За време на сесиите, членовите на Претставничкиот дом ќе дејствуваат како обвинители, а сенаторите како поротници. Сенаторот од Вермонт, Патрик Ли, демократ од Вермонт, ќе го води процесот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.