Денеска читам уште една клевета кон мене односно, Коце бил крив за ниската плата на пожарникарите. Претходната клевета беше кога Шилегов ја покачи цената на водата воведувајќи нова давачка за одржување на зеленило. Тогаш изјави дека само ја спроведува одлуката на Коцe. Но, времето покажа дека дека тоа е лага и клевета, изјави денеска поранешниот скопски градоначаник од ВМРО-ДПМНЕ, Коце Трајановски.

Тој побара од актуелниот градоначалник Петре Шилегов да престане да ја „дефокусира“ јавноста и да го стави Штабот за заштита и спасување на Град Скопје во мобилна состојба.

– Додека бев градоначалник имав постојана и непосредна соработка со синдикатот на пожарникарите и со пожарникарите. Благодарение на таа соработка уште во 2010г. им ја покачивме платата за 10% а потоа уште еднаш за 5% но и тоа не беше доволно. Затоа заедно со синдикатот на пожарникарите изготвивме измени на законот за пожарникарство и донесовме нов Колективен договор меѓу синдикатот и градот Скопје. Тоа создаде услови за пожарникарите да ја добијат потребната плата што им следува. Со доаѓањето на Шилегов голем дел од пожарникарите своите права за плата ги добиваа по судски пат. Правилникот кој е изготвен од Градот Скопје е едностран акт ( донесен без консултација на синдикатот ) кој не ги решава проблемите на пожарникарите во целост и не ја добиваат потребната плата- тврди Трајановски.

Тој побара од Шилегов да им објасни на граѓаните на Град Скопје, како е набавена скала која е речиси двојно поскапа од истата скала која ја набави Град Загреб.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.