Општината претставува еден сервис на граѓаните која што треба да им пружи пристап на граѓаните и да ги задоволи нивните потреби, и ако сакаме да создадеме здрава општина потребно е воспоставување на здрава општинска администрација, истакна кандидатот за градоначалник на Општина Ѓорче Петров, Александар Стојкоски, во гостување на Телевизија Сонце.

Тој се обврза за реализација на еден капитален објект а тоа е Ѓорче Петров без кал, и со ова сакаме луѓето да имаат конечно современи услови за живот во 21 век.

Кандидатот за градоначалник на Општина Ѓорче Петров истакна дел од проектите за реализација а тоа се :

-Планираме изградба на еден нов голем парк во Месноста Дексион, кај Јурија, наместо изградба на 55 метарски згради како што тоа го планираат СДСМ.

-Предвидуваме изградба на спортско рекреативен центар во населба Хром , со содржини на паркови, фудбалско игралиште и спортско рекреативен центар со фитнес зони, веднаш до фудбалскиот терен ,, Млади Лавови,,.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.