Техничкиот премиер Оливер Спасовски во денешната изјава подвлече дека животот и здравјето на луѓето немаат цена и потенцира дека во општеството нема повисока вредност од човекот и неговото здравје.

За  случувањата во „Еко клуб“ е отворен предмет во Основното јавно обвинителство (ОЈО) кој ќе ги испита сите постапки и ако има било каква одговорност секој ќе мора да сноси одговрност без  разлика дали е кај Државниот инспекторат или кај Инспектроратот на Град Скопје или, пак, кај  кој било носител на функција во државата, рече Оливер Спасовски.

Сето она што беше откриено после преземањето на депонијата „Дрисла“ од страна на Град Скопје е прашање што мора да се затвори од аспект на истрага која ќе одговори на сите прашања кои се од општ интерес за сите граѓани заради тоа што пред сѐ се работи за нивниот живот и здравје и за заштитата на животната средина – рече Спасовски во одговор на новинарско прашање на денешната прес-конференција во Владата.

Апелирам, потенцира министерот, истрагата да заврши што е можно побрзо и додаде дека сите институции на системот мора да бидат во поддршка на ОЈО за да се утврдат сите факти и докази и на крајот на јавноста да и се обелодени што се правело во минатото, кој е најодогворен и како ќе плати за тоа што работел незаконски.

Тоа мора да го направиме за да покажеме дека системот работи и нема да му прости на никој без разлика дали е функционер или обичен граѓанин во државата – потенцира Спасовски.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.