Крадоначалникот Петре Шилегов пред нова бонбона бизнис типична за власта, реагира советничката група на ВМРО-ДПМНЕ во Град Скопје.

Сомнежите се дека Градот Скопје по насока на Шилегов преземал подготвителни активности за отуѓување на новата градска куќа која е во завршна фаза на атрактивна локација во центарот на градот до плоштадот Македонија. Според нашите информации, зградата платена од парите на скопјани која е во завршна фаза, со набавена современа опрема за административно работење, ќе биде отуѓена и истата треба да припадне на извесна приватна компанија. За возрат Градот Скопје ќе добие постара зграда. Значи неформалните информации говорат дека Шилегов ќе трампа нова зграда за неколку децении постара зграда, се вели во нивото соопштение.

Оттука Советничката група на ВМРО-ДПМНЕ на Град Скопје отворено прашува:

Дали е вистина дека Шилегов влегува во нов бонбона бизнис при што ќе ја отуѓи новата градба која беше наменета за градска куќа, и тоа за возрат на неколку децении стара градба?

 

Дали зад ваквата бизнис зделка стојат и приватни и лични интереси, со други зборови дали Шилегов принципот „евро за евро“ од Струмица го презема и унапредува среде Скопје?

 

Ако ова е вистина, тогаш зошто оваа бизнис зделка на Шилегов се држи зад затворени врати и во тајност, далеку од очите на јавноста?

 

Дали крадоначалникот Шилегов ги праша скопјани за ваквиот потег?

 

Бидејќи се работи за интересот и парите на граѓаните, наместо крокодилски солзи очекуваме конретни одговори. Две години крадоначалник Шилегов, две години лаги, криминали, неработа, обвинуваат тие.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.