Воз од сателити прелетаа над небото на Македонија околу 21:20 часот и можеа да се забележат со голо око. Станува збор за сателитско соѕвездие на компанијата „SpaceX“ на Илон Маск кое има за цел да обезбеди сателитски пристап до интернет.

Ова не се случува за првпат, туку станува збор за проект кој започна на 18 март кога пет групи од по 60 сателити кои во моментов се наоѓаат на висина од околу 280 километри над земјата и полека се доближуваат кон крајната дестинација, односно на висина од 550 километри каде веќе се наоѓаат претходно лансираните сателити.

Соѕвездието се состои од повеќе мали сателити во ниската орбита на земјата, кои работат во комбинација со копнени предаватели.

Проектот изнесува 10 билиони американски долари, и започна во мај 2015 година, а во февруари 2018 година веќе беа лансирани првите два тест летови на сателитски прототипи.

Целта на компанијата е, во орбитата, да подигне околу 12.000 сателити.

На интернет можете да видите кога ќе биде следното прелетување, а според распоредот сателитите треба да бидат видливи утре во 21:00 часот.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.