Градоначалникот на Општина Гази Баба Бобан Стефковски, поднесе барање до претседателот на Советот на општина Гази Баба за оддржување на седница на Советот на општина Гази Баба на која градоначалникот Стефковски предлага Одлука за доделување на финансиска помош на семејствата на настраданите во сообраќајната несреќа во Бугарија.

Градоначалникот Стефковски на официјалната страна на фејсбук напиша:

Во овие тешки моменти на жалост во Република Македонија, солидарноста и хуманоста треба да бидат водилка за сите нас. За таа цел, утрово поднесов барање до претседателот на Советот на општина Гази Баба Дијана Илиевска за одржување на седница на Советот на која предлагам донесување на одлука за доделување на финансиска помош на семејствата на настраданите во сообраќајната несреќа во Република Бугарија. Со ова општина Гази Баба ќе се приклучи на хуманитарната акција организирана од Црвениот крст за обезбедување финансиска помош за семејствата на настраданите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.