Во Општина Аеродром се одржа консултативен состанок со директорите на основните училишта од општината, кои добија насоки за продолжување на едукативниот процес на учениците преку онлајн-платформата на Гугл класрум (Google Classroom).

Како што информираат од Општината, постапката на креирање на онлајн-училниците со одделенските раководители во училиштата ќе заврши во текот на денот со внесување на имињата на учениците во апликацијата Гугл класрум.

Од локалната самоуправа им порачуваат на учениците да ги следат упатствата на одделенските раководители.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.