Јавниот превоз од денеска ќе сообраќа до 23 часот, информираат од Јавното сообраќајно претпријатие Скопје.

Последните термини на поаѓање пред 23 часот како и останатиот возен ред, до наведените последни термини, е достапен на веб-страницата на ЈСП Скопје. Билетарниците и центрите за персонализација ќе работат вообичаено.

Посочениот режим, како што велат од ЈСП, е согласно последната одлука на Влада на Република Македонија, за забрана за движење на населението од 23 до 5 часот.

По препорака на Комисијата за заразни болести, поради намалување на новозаболените во земјава, Владата донесе одлука наместо од 21:00 часот, полицискиот час од денеска да започнува од 23:00 и да трае до 05:00 часот.

На вчерашната седница Владата донесе одлука и за измена на работно време на угостителските објекти, односно од денеска тие ќе бидат отворени до 22:30 часот и тоа само на отворените делови, тераси, на угостителските објекти, како што е утврдено со постојните мерки и наменски протоколи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.