Масовна акција за генерално чистење на сите скопски општини ќе се спроведе денеска во организација на Град Скопје и ЈП „Комунална хигиена“-Скопје. Во рамки на акцијата ќе бидат отстранети и графитите со навредлива содржина, што промовираат говор на омраза, верска и етничка нетрпеливост.

Акцијата ќе се одвива од денеска до 24 септември, а во секоја општина ќе бидат поставени специјални садови во кои граѓаните ќе можат да го остават кабастиот отпад – стариот мебел и отпадот од електронската и електричната опрема.

Садовите за одлагање кабаст отпад ќе бидат поставени на следните локации:

Во Општина Чаир: раскрсницата меѓу булеварот Цветан Димов и улицата Коста Абрашевиќ, раскрсницата меѓу улиците Џон Кенеди и Дижонска, ул. Ресенска, до ресторанот Фа-Фа;

во Општина Аеродром: бул. Февруарски поход, во близина на супер маркетот „Рамстор“, во близина на автобуската постројка на последна 5-ка, бул. АВНОЈ број 68 – 74 во непосредна близина на маркетот М, нас. Лисиче, ул. Димитар Туриманџоски, по полициската станица;

во Општина Шуто Оризари: во близина на Жито Лукс, спојот меѓу ул. Брсјачка буна и ул. Нов живот, кај Спортската сала, спојот меѓу ул. Нов живот и Гвадалахара, во близина на автобуската постројка на последна 19-ка;

во Општина Гази Баба: нас. Автокоманда, ул. Лазар Поп Трајков (пред напуштениот објект на Центро), ул. Маџари, кај ресторан Далија, населба Железара, кај автобуската постројка на последна 16;

во Општина Бутел: ул. Груица Војвода (зад кино Бутел), сквер на ул. Хо Ши Мин и ул. Рудо, Бутел 1, кај спортската сала Иван Хаџи Николов во Радишани;

во Општина Кисела Вода: ул. Ратко Митровиќ, до Спортската сала, раскрсница на ул. Христо Татарчев и ул. Дебарска, кај Гет кафе, Парк Пушкин, во

Општина Центар: спроти Вучко на аголот на улиците Костурски херои и Ул. Борка Талевски, кај кружен тек во Дебар маало на Ул. Наум Наумовски Борче, кај Зелен пазар, на паркингот зад Макпетрол, до подземните контејнери; во општина Карпош: ул. „Брадфордска“, во близина на ресторанот „Македонска куќа“, во Козле; ул. „Женевска“, кај автобуската постројка на последна „24“, во Тафталиџе 2; ул. „Ванчо Мицков“ бр.50, кај постоечките контејнери на ЈП Комунална хигиена – Скопје,

Во Општина Ѓорче Петров: ул.Даме Груев, десно по Ромското маало, нас. Хром, ул. Воин Д., до спортското игралиште, нас.Дексион, кај автобуската постројка на последна 5-ка.

Во Општина Сарај на патот за Грчец, кај Халк Банка и с.Кондово, кај Фурната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.