Општина Илинден соопшти дека првпат организира училиштен летен камп во македонските туристички центри за најуспешните 50-тина ученици од општинските основни училишта.

Од Општината посочуваат дека дел од училиштниот летен камп имаат можност да бидат учениците кои во текот на учебната година постигнале високи резултати во делот на спортот, првенци на генерација и носители на награди од различни училишни натпревари.

– Училиштен летен камп е уште еден реализиран проект кој е дел од Програмата за работа на градоначалникот на Општина Илинден, Александар Георгиевски, како и дел од Стратешкиот план за развој на општина Илинден за 2022-2026 година, со цел поддршка и мотивирање на најмладите жители на општината, информираат од општинската прес-служба.

Од Општина Илинден најавуваат дека ќе продолжи и во иднина да ги реализира проектите преку кои ќе дава поддршка на учениците од општинските основни училишта.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.