Светскиот онлајн телемаратон за поддршка на Украина под слоганот „Спас за Украина“, почна денеска околу 17:30 часот и истиот се пренесува преку видеобим и на плоштадот „Македонија“ во Скопје.

На концертот, како што соопштија од украинската амбасада во земјава, ќе настапат голем број украински и светски музички ѕвезди. Меѓу нив се и пејачките од Украина, Џамала и Руслана, а од светските ѕвезди ќе настапат: Стинг, Ед Ширан, Брајан Адамс, групата „Ју ту“, Мадона, Имани, „Имеџин Драгонс“, Елтон Џон и многу други.

Целиот свет е сведок на бруталната војна која Руската федерација ја започна и сè уште ја води во Украина. Веќе еден месец украинскиот народ се бори за својата слобода, независност и суверенитет. Целиот свет не поддржува. Во овој контекст, на 27 март 2022 година во 17:30 часот по македонско време, ќе се одржи светски онлајн телемаратон за поддршка на Украина под слоганот. Ги покануваме сите коишто не поддржуваат во оваа праведна борба Украина за својата земја, да дојдат и да ја поддржат Украина со своето присуство“, стои во поканата од амбасадата на Украина во Македонија.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.