Според извештајот на Институтот за јавно здравје, до 30 март, на ниво на општина на територијата Скопје, заболени лица од коронавирус се пријавени во 10 општини.

Најголем број на случаи на Ковид-19 има во Карпош -34, потоа доаѓа општина Центар, каде има 28 заболени. 25 регистрирани случаи има во општина Кисела Вода, а само два помалку во Гази Баба.

Следуваат Ѓорче Петров со 14 и Аеродром со 12 заболени, а во Бутел, Чаир и Сопиште има по седум случаи. Во Илинден има шестмина, а еден од заболените е странец. Вкупно 12 лица потекнувале од друг град, а живееле во Скопје.

Според денешните информации од Министерството за здравство, на ниво на цела Македонија најмногу случаи се регистрирани во Скопје, вкупно 183 заразени, а од денеска на второ место е Куманово, каде има регистрирано 54 заболени. Во изминатите 24 часа регистрирани се 25 нови случаи, по седум во Скопје и Куманово, пет во Тетово, два во Прилеп и Струга и по еден заболен во Гевгелија и Кочани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.