Свадбена веселба која викендов се одржала во скопски ресторан за малку не завршила со тепачка помеѓу двајца сватови. Гостите се веселеле, но пред полноќ настанала расправија помеѓу две лица. Мажите кои биле под дејство на алкохол расправијата ја продолжиле надвор од објектот каде дел од присутните гости спречиле физичка пресметка.

Кога едното од лицата кое учествувало во караницата се упатило кон паркингот, гостите очекувале дека недоразбирањето завршило, но тој на паркингот го препаркирал автомобилот така што го блокирал излезот.

За да не се влоши ситуацијата, вработените во ресторанот побарале асистенција од обезбедувањето на објектот, по што возилото било тргнато, а едно од лицата кои биле во расправијата било придружувано до својот дом.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.