Од пролет ќе започнеме и со некои покрупни проекти кои што ќе бидат капитални инвестиции наши. Да не изумам да споменам дека ние веќе започнавме со изградба изминативе веќе седум дена со еден од најголемите паркови во Кисела Вода, односно тоа е депонија во Драчево, на површина некаде над 4.000 м2, истата се чисти и на истата треба да изникне новиот парк, истакна Орце Ѓорѓиевски, градоначалник на општина Кисела Вода во „Утрински Брифинг“.

Ѓорѓиевски додаде дека Кисела Вода се соочува и со еден проблем, а тоа паркирањето, недостаток на паркинг места.

Во прва фаза нашето систематско решение ќе биде преку изградба на монтажни гаражи и поставување на истите. Знаете во Расадник дека од страна на минатата власт се започна да се оградува едно место, за жал без целосна документација, без потребна документација за таму, значи нема ни одобрение за градба, ни ништо. Јас заедно со службите изминативе седум дена дадовме се од себе и благодарение на службите веќе сме во финална фаза на завршување на целата потребна документација за да можеме сериозно да се зафатиме со решавање на дел практично од тој проблем. Односно на една локација во Расадник да изградиме една монтажна гаража, а подоцна систематски да решаваме, појасни Ѓорѓиевски.

Ѓорѓиевски посочи дека размислува и на зонското паркирање, но сепак за тоа треба да одлучат граѓаните.

И да се одлучиме за некоја таква форма ќе треба граѓаните да одлучат, само формата ќе ја заклучиме заедно со нив, рече Ѓорѓиевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.