Печатеното издание на германскиот дневен весник „Зидојче цајтунг“ денеска пишува дека Македонија ќе може да ги започне преговорите со ЕУ само доколку признае дека нејзиниот јазик е дијалект на бугарскиот, а националните херои се Бугари.

Земјата која неодамна си го смени името за да ги зголеми шансите за членство во ЕУ, сега се наоѓа пред уште една голема пречка. Почетокот на пристапните преговори со ЕУ на Северна Македонија ќе биде блокиран вели соседна Бугарија доколку Владата во Скопје не смени делови од својата историографија, пишува печатот на германски јазик, а пренесува Дојче Веле.

Понатаму пишува дека бугарската влада бара од Македонија да признае дека нејзиниот јазик е дијалект на бугарскиот, а не самостоен македонски јазик, како што „вештачки“ се нарекува уште од времето на владеењето на поранешниот југословенски претседател Јосип Броз Тито.

Еден национален херој на малата земја не смее повеќе да се нарекува Македонец, гласи едно од барањата на Бугарија, пишува Зидојче цајтунг дополнувајќи дека се работи за Гоце Делчев, кој сега, според бугарското барање, треба да биде наведен како Бугарин и во македонската историографија“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.