Здравствениот систем деновиве се соочува со најголемиот предизвик до сега, состојбата во болниците е алармантна. Здравствениот систем го работи она што никогаш не го работел до сега, соочен со напливот на пациенти со тешка клиничка слика, болни кои имаат потреба од лекарска помош чиј број од час во час се зголемува, соопштија од Министерството за здравство.

Министерот за здравство, д-р Венко Филипче денеска одржа координација со директорите на ковид центрите во Скопје на која разговараа за моменталната состојба со капацитетите во Клиниките и ГОБ 8 Септември, состојбата на пациентите и ротациите на медицинскиот персонал.

Здравствениот систем деновиве се соочува со најголемиот предизвик до сега, состојбата во болниците е алармантна, но и покрај тоа со секојдневни напори се оспособуваат нови оддели за хоспитализација на ковид пациенти. Во исто време болниците се отворени и за болни кои имаат итни здравствени проблеми и им е потребна брза лекарска интервенција, за хронични пациенти чија состојба се влошила, за прегледи на болни кои мораат да ја контролираат редовно здрвствената состојба. Вработените во болниците дават натчовечки напори за да ги згрижат сите пациенти. Здравствениот систем го работи она што никогаш не го работел до сега, соочен со напливот на пациенти со тешка клиничка слика, болни кои имаат потреба од лекарска помош чиј број од час во час се зголемува. Министерот за здравство,заедно со директорите на болниците, лекарите и медицинскиот персонал, прават се што е во нивна моќ за пацинетите да добијат најдобра можна нега, велат од МЗ.

Министерството за здравство апелира до сите граѓани, да бидат исклучително одговорни овој период, бидејќи штитејќи се себе си го штитат и здравјето на другите. Министерството за здравство апелира граѓаните, посебно младите да не се групираат, задолжително сите граѓани да ги почитуваат јавно здравствени мерки – носење на заштитна маска, одржување на физичка дистанца и хигиена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.