По предлог на Владината Комисија за именување Владата прифати Сања Лукаревска да ја именува за директор на Управата за јавни приходи, орган во состав на Министерството за финансии, Иљми Селами да го именува за заменик на директорот на Државниот завод за статистика, Јован Деспотовски да го именува за директор на Дирекцијата за технолошки индустриски развојни зони, Јовица Стојановиќ да го именува за директор на КПУ „Затвор Идризово“, а Марјан Спасовски да го именува за директор на Управата за извршување санкции. Есад Рахиќ е разрешен од должноста в.д. директор на КПУ „Затвор Скопје“ и е избран за управител на трговското друштво „Нафтовод“ ДООЕЛ Скопје, Филип Андов е именуван за вршител на должност директор на КПУ „Затвор Скопје“

На својата седница Владата ги прифати и следните кадровски решенија:

Драги Чавдаров е избран за независен и неизвршен член на Одборот на директори на Акционерското друштво за вршење енергетски дејности „Национални енергетски ресурси“ – Скопје во државна сопственост. Николче Бабовски е разрешен од должноста директор на Агенцијата за финансиска поддршка во земјоделството и руралниот развој и е именуван за вршител на должност директор на Агенцијата за храна и ветеринарство на Република Македонија.

Никица Бачовски е именуван за вршител на должност директор на Агенцијата за финансиска поддршка во земјоделството и руралниот развој, Зоран Атанасов е разрешен од должноста директор на Агенцијата за храна и ветеринарство, Бојан Лазаревски е именуван за вршител на должност директор на Агенцијата за филм, Менфи Илјази е разрешен од должноста директор на Управата за афирмирање и унапредување на културата на припадниците на заедниците на негово барање и е именуван за вршител на должност заменик-координатор на Националниот координативен центар за гранично управување.

Адмир Ујкановиќ е именуван за директор на Управата за афирмирање и унапредување на културата на припадниците на заедниците, Зоран Исајловски е отповикан од управител на трговското друштво „Нафтовод“ ДООЕЛ Скопје, Фатмир Идризи го именува за заменик на директорот во Комисијата за односи со верските заедници и религиозните групи.

Владата ја прифати информацијата за оставката на Зоран Ѓорѓиев од должноста директор на ЈП за стопанисување со државните шуми „Национални шуми“ – Скопје и заклучи да му препорача на Управниот одбор на ЈП за стопанисување со државните шуми „Национални шуми“ – Скопје да ја именува Јулијана Николова за вршител на должноста директор на ЈП за стопанисување со државните шуми „Национални шуми“ – Скопје.

Владата му препорача на Управниот одбор на Јавното претпријатие „Колекторски систем“ за вршител на должноста заменик на директорот да го именува Фатон Положани. Владата му препорача на Управниот одбор на Јавното претпријатие „Национална радиодифузија“ за вршител на должноста заменик на директорот да го именува Мухамед Цури.

Ардијан Муслиу е именуван за директор на Државниот просветен инспекторат, орган во состав на Министерството за образование и наука.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.