Не сакам Македонија да остане надвор од Европската Унија, но не може да продолжи таложењето омраза кон Бугарија со генерации во таму, вели бугарската министерка за надворешни работи Екатерина Захариева во интервју за Clubbz.bg. Таа вели дека антимакедонскиот однос и националната реторика не се дел од предизборното милје во земјата.

„Не, не сакам да остане надвор од ЕУ. Сега не ја одобривме рамката за преговори, тоа е различно. Не случајно Бугарија го направи проширувањето на Западен Балкан приоритет за време на нејзиното претседателство и направи многу за PCM и Албанија. Сепак, повторувам, создавањето генерација по генерација на омраза кон Бугарија не може да продолжи. Ова нема да запре ако тие утре станат членки. Во право сте дека индивидуалните интереси на 27-те земји понекогаш мора да бидат оставени во втор план, но тоа не значи дека не постојат. Сведок сум повеќе од еднаш на ситуации во кои некои земји-членки, нема да дадам примери, се против некои одлуки затоа што тие ги остваруваат националните интереси. Но, ако не се обидеме да смениме некои стереотипи, тоа не може да се случи автоматски со членството, вели Захариева.

На прашањето како министерот за одбрана Красимир Каракачанов одеднаш учествува во процес на диполоматски преговори со Македонија таа вели дека тој има јасна мисла на оваа тема.

„Преговорите ги водеше Министерството за надворешни работи, мојот тим, дури ниту јас не бев присутна цело време. Не е тајна дека вицепремиерот Каракачанов има јасна слика за ова прашање, но јас потенцирам дека тој преговара по позицијата на парламентот која беше усвоена едногласно, вели Захариева.

Таа додава дека овие настапи не се во функција на изборите.

„Не, не мислам дека ГЕРБ има концесии кон ВМРО на оваа тема. Погледнете, ова е голема разлика помеѓу таму и овде. Таму можете да победите на избори со антибугарска реторика. Во Бугарија може да има одобрување на нашата позиција, но тоа не значи дека само поради оваа причина некој може да победи на избори. Во Бугарија, фала му на Бога, изборите не се добиваат со спротивставување на соседите. Вака треба да биде, вели таа.

Подолу во разговорот тврди дека ова кон Македонија не е вето туку привремено несогласување за одобрување на рамката за преговори.

„Според мене, она што ќе го добијат, се надевам дека е зголемување на разбирањето за Бугарија и крај на антибугарската кампања. Таму мора да се разбере дека и Бугарија мора да каже „да“. Најважно за Бугарија е да живее во искрени добри односи со соседните земји. На крајот, луѓето се заинтересирани да патуваат и да прават деловни активности, но тоа не може да се случи ако омразата се негува во една земја и омразата кон соседната земја и луѓето, смета Захариева.

За Договорот за меѓусоседство вели дека факт е дека секогаш може да се бара подобрување во кој било договор, но дека сега се зборува за контролни механизми, вклучително и мониторинг. Вели дека Бугарија цело време инсистира на состаноци и на исторсикаат комисија и за проектите за Коридорот 8 но дека кочничар е Македонија.На прапрашањето зошто Макеоднија има поддрпшка од земјите членки таа вели:

„Мислењето на повеќето колеги од Европа е да ги одбијат преговорите па да има време за решение за проблемот. Но ние имаме национална позиција во парламентот. Многу пати сме дале доверба на кредит, го сторивме истото со НАТО – потенцирам. Затоа не ги прифаќам критиките дека Бугарија и помага на Русија. Русија отсекогаш била против влегувањето на балканските земји во НАТО, но не и против балканските земји да бидат дел од ЕУ – ова е во нивен интерес да влезат во ЕУ нереформирани. Бугарија рече „да“ за влез во НАТО уште во 2008 година. Не можевме да го ратификуваме договорот, што би било голема грешка. Дефинитивно. НАТО е политички и воен сојуз, но ЕУ е повеќе. Се среќаваме неколку пати месечно – имаме заеднички политики, заедничко законодавство, заедничка надворешна политика и безбедносна политика. Патем, PCM треба да стори повеќе за нејзината интеграција, особено кога станува збор за надворешната политика. Во ЕУ, мора да можеме да се потпреме едни на други, не смее да има нерешени билатерални прашања, не само со земјите-членки. Вие разбирате дека тогаш, кога ќе има толку силна антибугарска кампања, ќе биде тешко не само за Бугарија и РСМ, туку и за целата ЕУ. Значи, нерешените билатерални прашања мора да се решат однапред.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.