СДСМ инвестира во сегашноста и иднината и нема да дозволиме ВМРО-ДПМНЕ да ја растура државата, а најдобар доказ како треба да се работи е општина Виница, истакна претседателот на СДСМ, Зоран Заев на вечерашниот митинг на коалицијата „Најдоброто за мојата општина“.

Реализацијата на инфраструктурни и комунални проекти во изминатите четири години во Виничко е показател како се работи одговорно и според европски стандарди, наспроти претходниот осумгодишен период исполнет со стагнација и разграбување на јавните пари.

– ВМРО-ДПМНЕ не може да испорача проекти за граѓаните, бидејки ова ВМРО-ДПМНЕ е изданок на режимот којшто е навикнат да ги краде народните пари и затоа е опасно да им се довери раководењето со некоја општина или со државата. Додека сиромашни спиеја по улиците, млади беа тепани и заминуваа од државата, наставници беа уценувани, лекари беа деградирани, ВМРО-ДПМНЕ злоупотребуваше  милиони евра за изградба на околу 300 споменици, истакна Заев.

Пред граѓаните на Виница тој претстави и дел од проектите што се од значење за развојот на локално ниво, а за кои поддршка дава и државата.

-Со изградбата на регионалната депонија кај Свети Николе ќе ставиме крај на дивите депонии во Виница и во целиот источен регион. Во тек е доградбата на филтер станицата за пречистување на водата за пиење, како и за снабдување со санитарна вода на селото Лески. Се реконструира кино салата, а изградивме 38 социјални станови, а во тек е изградба на еден од најмодерните градски пазари, додаде Заев.

Претседателот на СДСМ нагласи дека младинската невработеност е намалена на 29 отсто, растот на платите е зголемен за три пати, обновена е евтината тарифа на струјата, а со повратот на ДДВ милиони евра се слеваат во семејните буџети.

На крајот од обраќањето на митингот во Виница, Зaев истакна дека СДСМ создава и реализира антикризни мерки за економска стабилност, а ВМРО-ДПМНЕ или е против, или ги блокира

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.