Претседателот на СДСМ и премиер Зоран Заев повтори дека неговата партија е фаворит на локалните избори, затоа што граѓаните и јавноста, како што наведе на Фејсбук, знаат дека напредок и развој е возможен само со СДСМ.

Заедно со граѓаните ги креираме мерките и политиките што гарантираат развој и напредок и подобар квалитет на живот за сите. Сѐ што тие ќе побараат ќе биде нотирано и анализирано, а проектите кои се реални и остварливи ќе бидат дел од предизборната програма, а понатаму од Програмата за работа на општината. Покажавме дека за нас зборот важи и ќе го покажуваме тоа и во иднина и на централно и на локално ниво. Без разлика на кандидатот или кандидатката за градоначалничка функција, даваме збор дека мерките и програмите ќе бидат реализирани. Затоа сме фаворити на овие избори, затоа што граѓаните, јавноста, сите знаат дека напредок и развој е возможен само со СДСМ, напиша Заев на Фејсбук.

Статусот е објавен заедно со извадок од видео од граѓанскиот собир пред платото на салата „Борис Трајковски“ во Скопје

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.