Премиерот Зоран Заев во вечерашното интервју на Сител истакна дека полицискиот час не дава резултати, но доколку има потреба ќе се воведе.

Засега не, бидејќи гледаме каде се шири вирусот. Буквално, најголем дел од вирусот се шири од групирање и неносењето на маски. Но, препораката кои денеска ја дадовме е сериозна препорака. Гледам, и граѓаните до 95 % носат маски и се држат до резултатите, рече Заев.

Вели дека стравот најмногу влијае на почитувањето мерки.

Според Заев, Македонија се однесува просечно како што се однесуваат европските и земјите од регионот.

Претпоставка е дека ако се донесе карантин или полициски час, тоа може само додека трае малку да ги намали бројките, но штом се укине повторно ќе се зголемат. Треба навистина да бидеме внимателни во целата оваа состојба, рече Заев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.