Оние од ВМРО ДПМНЕ имаат три основни проблеми и тоа со срцето, со душата и со петите. Прво, срцето им се кине ако започнеме преговори со ЕУ. Второ, душата ги боли ако станеме земја-членка на НАТО, и трето, имаат сериозно оптоварување на петите, бидејќи со разни сценарија и конструкции, од петни жили напнуваат да го спречат и едното и другото. Зошто? За да не се случи тоа во времето на Заев и СДСМ. Добрите дела треба да останат безимени во интерес на татковината и во интерес на сегашните и идните генерации кои живеат во Северна Македонија. Сè друго е минливо.

Ова на денешната граѓанската трибина во Куманово го порача претседателот на СДСМ Зоран Заев.

Според Заев, ВМРО-ДПМНЕ и Христијан Мицкоски не можат да се помират со напредокот.

Не можат да се помират со тоа што на чекор сме од почеток на преговори и затоа со разни сценарија и конструкции се обидуваат да ја спречат интеграцијата во ЕУ и НАТО.

 

Им порачувам на оние кои повеќе ги сакаат кривите патишта , беспаќата и слепите улици, отколку да ни се приклучат на правиот пат, дека национализмот е оддамна излезен од мода. Треба да знаат дека на светот постојат разни отрови, но нема поголем отров од национализмот, рече Заев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.