Заев лаже кога вели дека ја намалил јавната администрација. Доволно е само да се погледнат буџетите на Република Македонија во последните 4 години и ќе се воочи зголемување на ставката за плати и надоместоци за 75 милиони евра во 2021 наспроти 2017 година, реагираат од ВМРО ДПМНЕ.

Ако во 2017 година од буџетот се одвојуваа околу 425 милиони евра за плати и надоместоци, оваа година се одвојуваат 500 милиони евра. Тоа е покачување за скоро 20%.

Овие факти се несоборлив доказ дека Заев не ја говори вистината и дека наместо намалување како што тврди ја зголемил администрацијата и тоа за околу 20%.

Заев да не лаже и да не манипулира, нема институција каде не изврши полнење со партиски активисти и роднини на функционери. Видовме како вработува СДСМ и како се добиваат работните места. Со Заев на чело на државата нема место за компетентни кадри, само за партиски лица.

Затоа и администрацијата е неефикасна како што вели Заев пред приватните стопанственици, затоа што наместо најспособните, Заев ги вработи најголемите негови послушници, за да ги контролира институциите, велат од ВМРО ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.