Јвната обвинителка Елизабета Јосифоска од Специјалното јавно оввинителство во изјава за ТВ21 потврди дека таа го потпишала позитивното мислење за да му се одобри времен пасош на Јордан Камчев.

Јосифоска објаснува дека во отсуство на шефицата на СЈО таа ја заменува и ги потпишува сите документи, а во тоа време Катица Јанева била на одмор. Додава дека мислењето за пасошот на Камчев била одлука на Јанева и како нејзина заменичка била должна да ја потпише.

Апсолутно на ништо не се посомневав. Во тој момент до мене немаше допрено никакви и најмали индиции или сознанија дека во позадината на сето ова стои нешто криминално. Не знам ни се уште дали стои, меѓутоа во тој момент немав такви сознанија. Тоа е нејзина одлука изготвена по нејзин налог, јас технички сум ја потпишала под нејзиното име и ние како помошници на специјалниот јавен обвинител не можеме да ги менуваме нејзините одлуки, вели Јосифоска за ТВ 21.

На прашањето зошто морало таа да потпишува, а не да се почека Јанева да се врати, Јосифоска изјавила дека и било речено дека се работи за итно постапување и дека не можело да се чека нејзиното постапување. Но, првично судот го вратил ова мислење.

Одлуката за враќање на пасошот на Камчев е донесена кога обвинителката во случајот „Империја“ Лиле Стефанова била на одмор и не била известена, а за одлуката дознала од колешката Јосифовска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.